حب لم يكتمل

انها من اروع القصص فقد سمعتم عن روميو وجوليت وقيس وليلى وغيرهم فى قصص الحب وكنا بنقول انهم ممكن يضحوا بحياتهم فى سبيل سعادة الاخر القصة دى بجد ممتعة وحقيقية يمكن تستغربوا انها حقيقية لان بطلتها مفيش زيها بطلتها اقرب واحدة ليا هى صديقتى عشان كده حبيت اكتب قصتها وارجو حل ليا انا فعلا محتارة نفسى اساعدها ومش عارفة اعمل ايه ليكم القصة صحبتى مرت بظروف صعبة من صغرها بانفصال والدها عن والدتها وعدم وجود بيت مرتبط بل مفككين وهى وحيدة واتعرف عليها شخص من صغرها وهى فى الاعدادية وعاش معاها ظروفها وكان عارف كل حاجة عنها ولكن هى شخصية غريبة اقولكوا ليه بجد صحبة صحبتها وغير كده مخلصة وبتحب تشوف الناس كلها سعيدة ومبسوطة اد ايه هى ساعدت ناس كتير فى حياتهم وكانت بتقف جنب اصحابها وعندها حاجة غريبة اوى هى انها لديها الحاسة السابعة بتحس بوقوع الشئ قبل حدوثه فعلا غريبة والاغرب ان محبينها كتير وبيتعلقوا بيها كتير يمكن مش جميلة اوى بس فيها حاجة غريبة تجذب بيها الناس ورغم كتر محبينها بس محبتش حد خالص رفضت الحب والزواج مش عارفة فى بنت كده المهم الى بيحبها ده كان يتمنلها الرضا ترضى تخيلوا حتى اصحابه كانوا بيحبوها برده هو كان ظروفه صعبة كان لوحده فى الدنيا مفتقد اهله لانهم متوفيين عمرة ما ردلها طلب كان نفسه ترضى بيه اقولكوا الحقيقة هى عمرها ما حبت حد زي ما حبيته بس مش عايزة موضوع الارتباط يتم عارفين ليه لينا صاحبة بتحب نفس الشخص الى بتحبه صحبتىوهى عشان حاسة بصحبتها عازة متعلقهوش بيها اكتر انا مش قادرة اقولكوا هو بيحبها اد ايه يمكن اكتر من نفسه نفسه يعوضها عن ايام العذاب الى عاشتها نفسه يوديها لعالم الطفولة والبراءة بيحبها اوى فى حد بيحب حد كده بس صحبتها التانية نعمل معاها ايه المهم عشر سنين من الحب ده وهى بتحاول توضح انهم اخوات مش اكتر وهو مش مصدق عارفين ليه لانه متاكد انها بتحبه على فكرة بيحس بيها اوى فهى عايزة تخيه ينساها تعمل ايه تتخيلوا تحاول تخليه يكرها عن طريق انها توضح ليه انها انسانة مش كويسة مش تستاهل الحب ده يعنى مش محترمة وكمان ايه حاولت توضح انها بتحب صحبه بجد تتخيلوا شعورة ايه بعد الحب ده وكل ده عشان هى خايفة على مشاعر صحبتها وكان عشان متبقاش عينها عليه بعد الجواز والمسكين تعب ودخل المستشفى وادمن وخرج بعد كده المصيبة انى عارفة كل دة ومش عارفة اعمل ايه هو مش مصدق انها كده وهو صح نفسى اقوله الحقيقة بس خايفة من زعل صحبتى مش كده وبس دى طالبة منى انى احاول اسوء شكلها قدامه عشان يكرها عشان خايفة عليه بذمتكم فى حد بيحب حد كده اعمل ايه انا محتارة مقدرش اسوء شكلها انا بحبها ونفسى الموضوع يتم بتاعها لان بجد هو بيحبها ولانها بجد وقفت معايا كتير اوى اوى وحاولت تساعدنى فى موضوع ارتباطى وقصة حبى والحمد لله انا دلوقتى مرتاحة ازاى ابقى انا مرتاحة وهى لا ازاى ؟ دلونى ارجوكم اعمل ايه؟

يتقدم ويخطبها وخلاص وهكذا تعرف صحبتها انها مش عوزها هي