حبيبتى انا جرحتك ....سامحينى ....ارجعيلى ...بــاموت

حبيبتى ماكنتش قاصد ازعلك ..ماكنتش قاصد اضايقك
حبك ليا اجمل حاجة فى حياتى عايش بيها وبحافظ عليها
ماتضيعيش كل حاجة حلوة ما بيننا
بيننا عمر كبير يتمنى يعيشة كل العشاق
ذكريات عشناها وعايشة جوانا
وهبتك نفسى ..وهبتك قلبى وروحى وعمرى وحبى
انا ليكى وانتى ليا
عينى مابتشوفش غيرك
قلبى مابيدقش لغيرك
عقلى مابيفكرش غير فيكى
كلامى كلة ليكى
احساسى ملكك انتى
زعلك منى اكبر عقاب ....اكبر عذاب
ماقدرش استحملة
نبرة صوتك وانتى زعلانة سيف بيقطع فى جسمى
شايفنى بانزف ..شايفنى باضيع
باشوف الموت الف مرة
ماقدرش اعيش من غيرك
من غير حبك ومن غيرك انا ولا حاجة
بقيت زيي زي باقى البشر
حبك بينقينى ..بيجملنى ..بيحببنى فى كل حاجة
مابقيتش عايز اعرف غيرك ولا اكلم غيرك
ملكتى كل حاجة فيا
بتتحكمى فى كل حاجة ليا
طبيعى ما كل حاجة فيا مخلوقة عشانك
حبك ليا بيشكلنى ..بيدوبنى بيعيشنى فى دنيا باهرب ليها
دنيا كبيرة ملكى انا بس ..مافيهاش غيرنا
وحياة كل دمعة نزلت منى بحبك
وحياة كل احساس حلو باعيشة معاكى بحبك
بحبك وبخاف عليكى وبحافظ عليكى
حبى ليكى بحر كبير مالوش اخر
بحر ملكك انتى بس مافيهوش غيرك
لما بتزعلى ..لما بتضايقى
باغرق فية ..كل حاجة حلوة بتعاقبنى
كل حاجة حلوة بتفارقنى ..بتقتلنى
انا باشوف بعينك ..وطاير بروحك ..وعايش بقلبك
مستحيل انتى تخونى نفسك ...ومستحيل اخونك
مستحيل اتشد لغيرك او ابعد عنك
عشان فيكى كل اللى نفسى فية
فيكى دنيا وجنة
فيكى وجواكى كل حاجة بادور عليها
انتى اهلى وناسى ...فرحتى وعمرى الجاى
زعلك موتى
وخصامك وفاتى
مارو انا بحبك وبجد عينيا بتدمع
بس سيبيها تدمع سيبينى اتالم واتعذب زى ما ضايقتك
دموع عينى خليتنى اشوف نور حبى ليكى
نور يامارو نور
بادمع ندى بينزل منى يمكن ارتاح
ندى يامارو ندى
نور وندى ولادنا اللى وحشنى حضنهم اوى
ووحشنى الفرحة والدفا اللى باحسة معاهم اوى
ماتسيبنيش وسامحينى
انتى كل حاجة فى حياتى
انتى اهم من نفسى
ومفيش حاجة تملى عينى غيرك
انا بحبك وهافضل احبك ومهما حصل بحبك
وحشتنى ضحكتك
وحشنى كلمة بحبك
نفسى فى كلمة وحشتنى
عايز اعيش جوا حضنك اللى بينسينى الدنيا كلها
دلوقتى حاسس انى غريب فى دنيا غريبة ..كبيرة ..ضلمة
كل حاجة خايف منها
كل حاجة معرفهاش
حبك ليا هو اللى بيقوينى
مش عايز اتوة ..مش عايز اضيع
عايز اهرب ليكى ..عايز افضل فى حضنك
عايز افضل جواكى
عمرى ما ارتاحت غير وانا معاكى
لو مكتوب عليا تفضلى زعلانة منى يبقى خلينى اموت
خلينى اموت فى حضنك
اقتلينى انتى يا مارو
ادفنينى انتى يامارو
بس ماتسيبنيش كدة
انا مش عايش ولا ميت
حبك اقوى منى ..زعلك بيضيعنى
خلينى ارجع اتنفس ...خلينى ارجع اشوف ..خلي قلبى يدق
كل حاجة فيا مخاصمانى ..مش طايقانى
كل حاجة فيا فارقتنى وسابتنى
والله هاموت
قلبى بيوجعنى وشايف كل حاجة وحشة اوى ..كل حاجة بعيدة اوى
وانتى بعيدة عنى ناقصنى كل حاجة ..مابقاش فيا حاجة
حبك عندى كل حاجة
وحشنى حبك ...عايز ادوب فية واعيش جواة
انتى امى واختى وبنتى وحبيبتى
كل دول خاصمونى ..كل دول سابونى
بقيت يتيم ...ووحيد ...ومش قادر اعيش
رديلى روحى فيا ...سامحينى ....أرجعيلى
انتى انـــا
وحشنى كل حاجة ما بيننا ..صوتك ..همسك ..حضنك
حبك اكبر بكتير من اى كلام ...حبك احساس مايتوصفش
حبك دنيا غير الدنيا
حبك جنة عايشها من دلوقتى
حبك رضا عنى
حبك وفاء ليا واخلاص ليكى
حبك كل حياتى
انتى معايا يا مارو ..وهتفضلى معايا
فى الدنيا معايا وفى جنة ربنا انتى حور عينى
مارو انا بحبك
ماحدش بيخاصم نفسة ..ماحدش بيفارق نفسة
ماحدش بيعيش من غير روحة
ماحدش بيرمى قلبة
انا موتت الف مرة
ماتسيبنيش ...ماتفارقنيش
من يوم ما حبيتك وانا نسيت كل الكلام دة
نسيت الفرقة والبعد والهجر
حاجات باكرهها ومش عايزها
عمرى ما هاغلط تانى ولا اضايقك
وحياة كل حاجة حلوة ما بيننا
وحياة كل حاجة ملكتيها فيا
وحياة كل احساس حلو بنعيشة مع بعض
هنفضل على وعدنا
هنفضل مع بعضنا
خلى بالك من نفسك يا ......
وسـامحـــــــــــــــــــــــــــــــيني